IPL 2021 : چنئی ایکسپریس کی ہیٹ ٹرک جیت ، کے کے آر کو ہراکر پوائنٹس ٹیبل میں ٹاپ پر پہنچی

کولکاتا نائٹ رائیڈرز نے آندری رسل (54) اور پیٹ کمنز (ناٹ آؤٹ) کی شاندار اننگز کے ذریعہ چنئی سپر کنگز کے 220 رنز کے اسکور کو بونا ثابت کرنے کی کوشش کی لیکن چنئی نے آخر میں یہ میچ 18 رنز سے جیت کر دلچسپ فتح حاصل کی۔

چنئی نے فاف ڈو پلیسیس (95 ناٹ آؤٹ) اور انشومان گائیکواڈ (64) کی عمدہ نصف سنچریوں کی مدد سے ممبئی کے وانکھیڑے اسٹیڈیم میں 20 اوور میں تین وکٹ پر 220 رنز بنائے تھے ۔ لیکن کولکتہ کی ٹیم نے 19.1 اوورز میں 202 پر سمٹ گئی۔

چنئی کی چار میچوں میں یہ تیسری جیت رہی جبکہ کولکاتہ کو چار میچوں میں تیسری شکست کا سامنا کرنا پڑا۔

چنئی کی شروعات انتہائی شاندار رہی ۔ رتوراج گائیکواڈ نے 64 رن بنائے جبکہ فاف ڈوپلیسی نے شاندار 95 رنوں کی ناٹ آوٹ اننگز کھیلی ۔ علاوہ ازیں معین علی نے 25 رن ، ایم ایس دھونی نے 17 رن اور جڈیجہ نے 6 رن بنائے ۔

ہدف کے تعاقب میں کولکاتہ کی شروعات کچھ خاص نہیں رہی ، لیکن آخر میں اس کے بلے بازوں نے اپنا پورا دم دکھا ۔ دنیش کارتک نے 40 رن ، آندرے رسل نے 54 رن اور پیٹ کمنس نے 66 رن بناکر میچ کو دلچسپ بنادیا ، لیکن جیت چنئی کو ہی ہاتھ لگی ۔