'نیشنل کرش' ہیں ساوتھ انڈین بیوٹی رشمکا مندانا ، ایسا ہے اداکارہ کا فلمی سفر ، دیکھئے تصاویر

تیلگو ، کنڑ اور تمل فلموں میں اپنی اداکاری کا جلوہ بکھیرنے والی ساوتھ سنیما کی خوبصورت اداکارہ رشمکا مندانا آج اپنا یوم پیدائش منارہی ہیں ۔

پانچ اپریل کو پیدا ہوئی رشمکا مندانا نے کافی کم وقت میں جنوبی ہند فلم انڈسٹری میں بڑا نام حاصل کرلیا ہے ۔ اداکاری کے علاوہ ان کی خوبصورتی کے بھی لوگ دیوانے ہیں ، اس لئے اداکارہ کو نیشنل کرش بھی کہا جاتا ہے ۔

رشمکا مندانا جلد ہی بالی ووڈ میں بھی اپنا قدم رکھ سکتی ہیں ۔ (Image: Instagram)

رشمکا نے سال 2016 میں کنڑ فلم کیرک پارٹی سے اپنے اداکاری کریئر کی شروعات کی تھی ۔ اس فلم میں اداکارہ کے کام کی کافی سراہنا کی گئی تھی ۔

اس کے بعد رشمکا کو کنڑ سنیما کے سپر اسٹار پنیت راج کمار کے ساتھ 2017 میں کام کرنے کا موقع ملا تھا ۔ یہ فلم بھی فینس کے درمیان کافی مقبول ہوئی تھی ۔

سال 2018 میں رشمکا نے تیلگو فلم چلو سے تیلگو سنیما میں ڈیبیو کیا تھا ۔ اسی سال سپر اسٹار وجے دیورکونڈا کے ساتھ ان کی فلم گیتا گوندم ریلیز ہوئی تھی ، جس نے کافی تعریف حاصل کی تھی ۔

رشمکا جلد ہی اپنا بالی ووڈ ڈیبیو بھی کرنے والی ہیں ۔ وہ سدھارتھ ملہوترا کے ساتھ مشن مجنوں میں نظر آئیں گی ۔

رشمکا سوشل میڈیا پر کافی سرگرم رہتی ہیں ۔ لاکھوں لوگ انہیں انسٹاگرام پر فالو کرتے ہیں ۔

وہیں اگر ورک فرنٹ کی بات کریں تو رشمکا ساوتھ سپراسٹار الو ارجن کے ساتھ اپنی آنے والی فلم پشپا کے ریلیز ہونے کا انتظار کررہی ہیں ۔

خبر یہ بھی ہے کہ رشمکا ایک اور بالی ووڈ فلم گڈبائی میں صدی کے مہانایک امیتابھ بچن کے ساتھ نظر آئیں گی ۔ مانا جارہا ہے کہ یہ فلم سال 2022 میں ریلیز ہوگی ۔

کچھ وقت پہلے رشمکا ایک سپرہٹ ویڈیو سانگ ٹاپ ٹکر میں ریپر بادشاہ اور کمپوزر یوون شنکر راج کے ساتھ نظر آئی تھیں ۔