’عاشقی‘ کرتے ہوئے کھیساری لال یادو اور امرپالی دوبے کی تصویریں وائرل، صارفین ہوئے کریزی

کھیساری لال یادو (Khesari lal yadav) اور امرپالی دوبے (Amrapali Dubey) کی فلم عاشقی (Aashiqui) کو لے کر دونوں کے مداح بے صبری سے انتظار کر رہے ہیں۔ حال ہی میں فلم کی شوٹنگ سیٹ سے دونوں نے کچھ تصاویر شیئر کی ہیں، جو پوسٹ ہوتے ہی وائرل ہونے لگی ہے۔

 کچھ دیر پہلے ہی کھیساری لال یادو نے تصویر شیئر کرتے ہوئے کیپشن میں لکھا ’تصویر تھوڑی بلر ہے، لیکن انٹینشنس فل کلیئر ہیں، جس پر ان کے مداحوں نے کمنٹ کی بوچھار لگا دی ہے، وہیں امرپالی نے بھی آن لوکیشن تصویر (On Location Photos) شیئر کرکے یہی کیپشن لکھا ہے۔

 تصویر میں امرپالی ہمیشہ کی طرح بے حد خوبصورت نظر آرہی ہیں اور کھیساری کا زبردست لُک بھی مداحوں کو خوب پسند آرہا ہے۔

 کچھ دن پہلے بھی فلم کی شوٹنگ سیٹ سے کچھ تصاویر سامنے آئی تھی جو سرخیوں میں تھی، جس میں فلم کا ایکشن سیکوینس شوٹ ہو رہا تھا۔ ایک سین مین غنڈے امرپالی کو چھیڑتے ہوئے نظر آرہے تھے، جنہیں بچانے کے لئے کھیساری لال آتے ہیں اور ان کی پٹائی کردیتے ہیں۔

واضح رہے کہ ’عاشقی‘ کی شوٹنگ پریاگ راج میں زور وشور سے چل رہی ہے۔ مداحوں کی بے صبری کی سب سے بڑی وجہ ہے پہلی بار کھیساری لال یادو اور امرپالی کسی فلم میں ساتھ نظر آنے والے ہیں۔

واضح رہے کہ فلم کے ڈائریکٹر پردیپ کے شرما پہلے بھی کئی ہٹ فلم دے چکے ہیں۔ ’لٹی چوکھا‘ کے بعد پردیپ کی یہ فلم کئی معنوں میں بے حد خاص ہے۔

 اس کے معاون ڈائریکٹر انیتا شرما اور پدم سنگھ ہیں اور فلم کا پرموشن بابا موشن پکچر پرائیویٹ لمیٹیڈ کے بنیر تلے ہو رہا ہے۔ ’عاشقی‘ کو لے کر کھیساری لال یادو کو بھی کافی امیدیں ہیں۔

ان کا کہنا ہے کہ یہ ایسی فلم ہے، جو ہر طبقے کے ویورس کو پسند آئے گی۔ اس میں سماج کے لئے معنی خیز پیغام بھی ہے اور تفریح بھی بھرپور ہے۔ انہیں پوری امید ہے کہ ناظرین کو دونوں کی کیمسٹری انٹرٹین کرے گی۔