اداکارہ ریکھا نے جب امیتابھ بچن کی تصویر دیکھ کر دیا تھا عجیب سا ری ایکشن ، بار بار دیکھا جارہا یہ ویڈیو

ممبئی : امیتابھ بچن اور ریکھا کا معاشقہ بالی ووڈ کے سب سے مشہور قصوں میں سے ایک ہے ۔ خبروں کی مانیں تو ان کے اس معاشقہ کی شروعات 1976 میں آئی فلم دو انجانے کے سیٹس سے ہوئی تھی ، لیکن تب امیتابھ بچن کی شادی جیا سے ہوچکی تھی ۔ حال ہی میں ریکھا کا ایک پرانا ویڈیو سرخیوں میں چھایا ہوا ہے ۔ دراصل اس ویڈیو میں امیتابھ بچن کیلئے ریکھا کا ایک عجیب سا رویہ کیمرے میں قید ہوگیا ۔ ویڈیو میں ریکھا امیتابھ بچن کی تصویر دیکھ کر غیر آرام دہ محسوس کرنے لگیں ۔

ریکھا بالی ووڈ کی صدا بہار اداکارہ ہیں ۔ آج بھی امیتابھ بچن کے ساتھ ان کے معاشقہ کے قصے پیچھا نہیں چھوڑتے ہیں ۔ ریکھا اور امیتابھ بھلے ہی ایک دوسرے سے الگ ہیں ، مگر ان کے معاشقہ کی باتیں کسی نہ کسی وجہ سے سرخیوں میں آ ہی جاتی ہیں ۔ ایسا ہی کچھ 2019 میں ایک کیلینڈر لانچ کے پروگرام کے دوران بھی ہوا تھا ، جہاں ریکھا پہنچی تھیں ۔ یہ پروگرام مشہور فوٹوگرافر ڈبو رتنانی کے کیلنڈر لانچ کا تھا ۔

 

View this post on Instagram

 

A post shared by Viral Bhayani (@viralbhayani)

سوشل میڈیا پر وائرل ہورہے ویڈیو میں نظر آرہا ہے کہ ریکھا پروگرام میں آتی ہیں اور دیوار پر لگی تصاویر کے ساتھ پوز دینے لگتی ہیں ۔ تبھی اچانک ریکھا کو لگتا ہے کہ کچھ گڑبڑ ہے ۔ وہ پلٹ کر دیکھتی ہیں تو سمجھ میں آتا ہے کہ وہ تو امیتابھ کی تصویر کے نیچے پوز دینے والی تھیں ۔ پھر کیا تھا ، ریکھا نے اچانک سے فوٹوگرافرس کو ہاتھ دکھایا اور اشاروں میں رکنے کی اپیل کی اور فورا اس جگہ سے دور ہٹ گئیں ۔

حال ہی میں ریکھا انڈین آئیڈیل 12 کے اسٹیج پر پہنچی تھیں ۔ جب شو کے ہوسٹ جئے بھانوشالی شادی شدہ مردوں کو پیار کرنے کے بارے میں بات کرتے نظر آئے تھے ، تب ریکھا نے ان کی بات پر بے باک رد عمل ظاہر کیا تھا ۔ دراصل ایک کنٹیسٹنٹ سیلے کے والد کے نام سے جئے ، نیہا ککڑ کو چڑھاتے ہوئے ریکھا سے پوچھتے ہیں کہ کبھی آپ نے دیکھا ہے کسی عورت کو اتنا پاگل ہوتے ہوئے ، وہ بھی ایک شادی شدہ آدمی کیلئے ۔ جئے کی بات پر ریکھا فورا کہتی ہیں کہ مجھ سے پوچھئے نا ، ریکھا کا جواب سن کر کچھ لمحات کیلئے شو کے میزبان کے ساتھ ساتھ سبھی دنگ رہ جاتے ہیں ۔